Fidel Castró sá mæti maður hafði sér ákveðna ásýnd þegar hann kom opinberlega fram. Hann var alltaf með húfuna góðu auk þess sem eitt af hans aðalsmerkjum var græni hermanna jakkinn sem hann var alltaf í, Þetta orsakaði það að þegar um hann er rætt birtist í huga manns mynd af ákveðnum og ráðandi manni. Sigurjón Castró okkar Gaflara berst líka við að skapa sér ámóta ásýnd og nafni hans á Kúbu, þó hallari undir Bush sé, jakkinn hans er úr ekta amerísku gallaefni í orginal lit.

Það er óhætt að segja að fráhvarfs einkennin eru farin að segja til sín og jaðraði við skjálfta og taugakippum í þeim Göflurum sem mættu á mánaðarlegan hitting í félagsheimili Kvartmíluklúbbsins fyrsta þriðjudaginn í desember. Menn kepptust við að hughreista hver annan og lofa því að veturinn verði fljótur að líða. Gulli-Gjald mætti með „heimabakaðar“ jóla smákökur og dáðust menn að því hvað hann var duglegur að föndra og merkja plastöskjurnar sem baksturinn var í.

Það var föngulegur hópur Gaflara sem safnaðist saman bjartan og blíðan föstudag. Markmiðið var höfuðstaður mótorhjólsins „Akureyri“. Ekki gat nokkur maður kvartað yfir veðrinu sem hópurinn fékk á norðurleiðinni og tökum við ofan fyrir „veðurguðunum“ okkar fyrir rjóma spá (wiskey-ið hlýtur að hafa verið gott) þegar norður var komið söfnuðust menn saman við áfangastaðinn Fögruvík, hristu af sér ferðarikið og svo var hjólað saman inn í bæinn í leit að næringu.

Jæja félagar þá fer að líða að Akureyrar túrnum. Planið er að strauja norður upp úr hádegi á föstudeginum 20. júní. Það eru ennþá einhverjar skúffur lausar svo enn er hægt að skrá sig hér. Castró á í Wiskey sambandi við veðurguðinn og hann er búinn að lofa brakandi blíðu alla helgina. Það verður svo hjólað út og suður um norðurlandið og mótorhjólamenning þeirra norðanmanna könnuð. Gististaðurinn er hin undurfagra Fagravík www.fagravik.is þar sem Castró ætlar í pottinn á G-inu svo það er af miklu að missa.

Á fundi Umferðarstofu og lögreglu með formönnum hjólaklúbbanna um umferðar öryggi bifhjólamanna kom fram að talsvert hafi verið um kvartanir vegna hávaða frá bifhjólum í miðbæ Reykjavíkur og á Ingólfstorgi. Gaflarar benda félagsmönnum sínum sem og öðrum hjólamönnum á að aka rólega um miðbæinn og vera ekki að þenja fáka sína á Ingólfstorgi svo ekki komi til þess að borgaryfirvöld loki aðgengi hjóla að torginu.

-Castró

Smyrja, pumpa, pússa, naga, spóla..... Það var uppúr kl.10 bjartan og fallegan laugardagsmorgun sem Gaflararnir tóku að týnast inn á planið hjá Ofur-Hippanum.... og tilgangurinn var að gera fákana klára fyrir sumarið... Gaflararnir smurðu og dittuðu að frammeftir morgni. Um hádegið var svo kveikt upp í grillinu og sviðnir bútar með eindæma tilburðum... og undarlegum grilláhöldum. þegar menn voru saddir, búnir að skemmta sér og öðrum og formaðurinn búinn að fá að sýna hvernig klára á dekkin á alvöru kagga... ( Liturinn er a.m.k. góður  ) var haldið af stað í hjólatúr um „umdæmið“. Mætingin var mjög góð og mál manna að smurdagurinn sé kominn til að vera.....

Myndir frá Smurdeginum má sjá í myndasafni

Ég hef verið í þessu bílasporti frá árinu 1974,“ segir Sigurjón Andersen smiður, en hann á sannkallað trylli­tæki í bílskúrnum hjá sér. „Ég á Plymouth Roadrunner 1972 árgerð. Hann er einn af 7.628 smíðuðum eintökum af þeirri gerð,“ segir Sigurjón en bíllinn er annar tveggja þeirrar tegundar hér á landi. Hann keypti bílinn árið 1981 en hann hafði verið fluttur til landsins 1975. „Hann kostaði á fjórðu milljón á sínum tíma, án þess að ég muni töluna nákvæmlega. Þetta var allavega heilmikill peningur á þeim tíma,“ segir hann.