Sælir félagar.
Já það er búið að vera frekar snautt hér á okkar ástkæru heimasíðu undanfarið.
Þessir pistlar hans Óla hafa lífgað uppá þetta en það þurfa fleiri að koma að þessu til að það verði
meira gaman....ekki viljum við fara á fésið og bulla þar það er bara fyrir ???? og ???? þið skiljið....
Haustið búið að vera frekar blautt og lítið hjólað.En Óli minn ef þú hefur tima og ánægju af skrifa
á þessa síðu áfram er það vel þegið.

Kv.Formaðurinn.

Sælir félagar

Þetta sumarið er ég búinn að vera hálfgerður félagsskítur, hef annaðhvort ekki nennt að mæta í hjólatúra, eða hreinlega ekki átt heimangengt.
Það sem hefur haldið í mér (hjóla)lífinu er að lesa pistlana hans Óla Bruna og sá nýjasti er ansi skondinn. Vonandi verður framhald á þessum skrifum, enda oft arfagóðir pistlar, þó einni tegund sé gert hærra undir höfði en öðrum; en ef enginn hrósar heimsveldinu, hvar væri það statt ?
Óli spyr hvernig vatnið hafi getað komist innundir gallann, sem var að mestu leyti þurr og þá hvarflar að manni hvort hann hafi kúplað í sundur þegar Bretinn rann niður Kambana, hallað sér fram, eins og í kappakstri, og hjólið náð svo yfirgengilegum hraða að vatnið hafi hreinlega náð að leka niður um hálsmálið hjá honum ? Maður spyr sig...

Kveðjur frá uppsprettu lognsins á Kjalarnesi

Sælir félagar

Nú rétt áðan birtist grein á forsíðunni eftir félaga okkar Óla bruna.
Það er alltaf gaman að lesa þessar greinar sem Óli hefur sent inn á síðuna okkar.
Nú hvet ég alla félaga til að tjá sig í spjallinu um efni þessara greina og segja hug sinn um hvort þið viljið sjá meira af þessum toga.
Allavega finnst mér gaman að lesa þessa pistla.

Vonandi verður meiri umræða um þessa greinar í spjallinu.

kveðja
Gulli