Sæll Einar og aðrir félagar
Ég hef verið að setja inn myndir í gegnum stjórnforrit síðunar en var núna áðan að gera prufu með að hlaða inn myndum í gegnum síðuna sjálfa og gekk það vel.
Eigum við ekki að hafa prófun eða sýnikennslu í því að hlaða inn myndum á næsta fundi í byrjun október. Kannksi er þetta eitthvað með réttinda að gera en ég ætla að gera frekari prófanir fyrir næsta fund.
Kveðja
Gulli

Sælir félagar.

Heimasíða í þessum stíl er svo sem ágæt að vissu marki. Hún er þó að ákveðnu marki barn síns tíma, því getur verið strembið að neita svo vel sé. Vandinn með þessa annars ágætu heimasíðu hjá okkur er hversu erfitt menn eiga með að koma inn efni og myndum. Ég hef líka einhvern tíma sagt, að mér finnist það halda aftur af frjálslegum og góðum samskiptum félagsmanna á milli að hún er opinn fyrir heimsbyggðina að lesa. Það mun kosta þó nokkra peninga og/eða vinnu að endurbæta hana svo vel sé. Það kostar einhverja tugi þúsunda að hýsa síðuna ár hvert.

Fésbókin bíður upp á allt og meira til, sem félagið þarf og ég veit að hver svona klúbburinn af öðrum, sem hafa rekið heimasíðu hafa hætt því og fært sig þangað. Það kostar ekkert að hafa síðu þar. Lítil "undirdeild" í okkar ágæta klúbbi hefur um nokkurt skeið verið með Fésbókarsíðu. Þangað eru allir Gaflarar velkomnir hvort sem er til að skoða eða vera. Held að flestir okkar séu á Fésbókinni hvort eð er en sumir þurfa kannski að kyngja smá stolti og viðurkenna að þeir hefðu aldrei átt að segja "ég fer ALDREI á fésbókina"

Annars styð ég heils hugar hvað sem stjórnin og/eða meirihluti félagsmanna ákveður í þessu sambandi.

Kveðja,
Einar Karl.

Sælir

Ég leifi mér að vitna í þessa snilldar setningu sem Steinmar setti hér inn á undan enda sammála honum sem og öðrum sem hafa tjáð sig um heimasíðuna. Auðvitað á að halda úti þessari heimasíðu því hvar annarsstaðar ætti maður annars að lesa pistlana hans Óla, koma skoðunum á framfæri, nöldra yfir hinu og þessu og allt hitt

Kveðja
Arnar

Sælir félagar, nær og fjær

Mér finnst engin spurning að heimasíðunni verður að halda úti, þar sem hún er forsíða/frontur Gaflara. Þrátt fyrir allt ágæti Snjáldurskinnu, er hún meira eins og snepill sem fýkur burt um leið hreyfir einhvern andvara og næsta dægurmál hangir á girðingunni.

Ég skrifa sjaldan hér á vefinn en nota hann oft, bæði til að skoða fréttir, ef einhverjar eru, og til kíkja á myndir, sem margar eru góðar heimildir og verma hjartað.

Áfram með heimsíðu Gaflara

Kv. Steinmar

Jà èg vil halda î síðuna okkar,skrifa meira um eithvað ha. Testing.

Sælir félagar.
Er nú mikið sammála ykkur með að halda í síðuna.Eina við þessa síðu okkar er að hún er alltof lítið notuð.
Það sem sett hefur verið inn að undaförnu hefur bara verið fróðlegt og skemmtilegt að lesa,en of fáir að tjá sig,
Kannski líka of fáir að lesa (skoða)veit ekki?

Ég hef nú verið í smá mótorhjólalægð í sumar enda allt of mikið að stússa,ætla að bæta úr því næsta sumar.
Og þá ætla ég að mæta aftur á götuna á minni Ofur Sukku.

Kv.Jói.