Ágætu félagar

Á síðasta þriðjudag heimsóttu okkur tveir mótorhjólamenn sem búa nú á Spáni og hafa sett á laggirnar mótorhjólaleigu þar úti og vildu kynna þessa leigu fyrir okkur Göflurum.

Sjá meðf bækling og einnig má skoða þetta nánar á:  http://motorbikeriders.net/

Stjórnin

Komin eru þrjú ný myndaalbúm frá formanninum inn á safnið okkar.

Eitt er með myndum frá STÓRU helgarferðinni til Akureyrar, næsta með ýmsum myndum frá sumrinu 

og það síðasta er frá Vestmannaeyjaferð fyrsta ágúst.

Hér er slóð inn á flotta myndasíðu sem gaman er að skoða.

http://www.flickr.com/photos/10613800@N08/

Af vef Sniglanna

Síðastliðin vetur hófu Sniglar, í samstarfi við Vegagerðina, vinnu við verkefni sem kallað var Núllsýnarvegur. Verkefnið sérist um úttekt á vegakafla með öryggi mótorhjóla í huga. Vegurinn sem tekin var út var Þingvallahringurinn en hann er með vinsælli mótorhjólaleiðum landsins.

Nú hefur verið niðurstaða úttektarinnar verið gefin út í skýrslunni Núllsýn bifhjólafólks en auk þess að fjalla um niðurstöðu úttektarinnar er farið yfir ýmis atriði sem aukið geta öryggi bifhjólafólks, eins og t.d. hvað bifhjólafólk getur gert til að lágmarka eigin áhættu, hvað aðrir vegfarendur geta gert og þar fram eftir götunum.

Á næstunni verður skýrslunni dreift á staði þar sem bifhjólafólk kemur og auk þess verður henni dreift til stjórnsýslunnar. Áhugasamir geta nálgast 

http://www.vegagerdin.is/vefur2.nsf/Files/nullsyn_bifhjolafolks/$file/nullsyn_bifhjolafolks.pdf

Ágætu félagar,

Einn félagi okkar, Ólafur R. Magnússon,  var að fá þetta "nýja" Triton Cafe Racer hjól eftir 2 ára bið.

Tri (Triumph) Tron ( Norton) )

Til hamingju með hjóli Ólafur.

Sjá nánar á Drullusokkasíðunni,  http://drullusokkar.is/blog/2013/07/10/668118/

Í nýlegum hjólatúr okkar Gaflara um Suðurnes hittum við Ítalskan hjólamann sem sagði okkur að hann væri Triumph maður og væri í hjólaklúbb í Milano.  Á meðfylgjandi mynd er hann með 3 Göflurum.  Leystum við hann út með merki okkar sem hann var mjög ánægður með og sagðist ætla að setja merkið á gallann sinn.  Meðfylgjandi er slóð inn á síðu klúbbsins hans.

http://www.triumphclubmilano.org/

Í dag, föstudaginn 5 júli, var brotist inn hjá einum félaga okkar sem býr á Álftanesi.

Ýmsu var stolið, m.a. tölvum og þess háttar tækjum ásamt  mótorhjólinu hans, hjálmi og galla..

Þetta er Suzuki Bandit 1200 með skráningarnúmerinu BA230.

Ágætu félagar, hafið augun opin og látið vita ef þið verið varir við hjólið í síma:

892 5665,  Kristján G Kristjánsson.

Stjórnin

Af vefsíðu Snigla

25 ára afmælismót Óskabarna ÓÐINS í Oddsparti Þykkvabæ, Rangárvallasýslu dagana 21-23 júní.

Eftirtaldar hljómsveitir munu leika fyrir gleði í nýstandsettri hlöðunni í Oddsparti:

- Gullfoss

- BP og þegiðu Ingibjörg

- Síðasti bærinn í dalnum

- Chernobyl

- Stormur í aðsigi

verð inn kr. 2.500,-

nánar á www.facebook.com/events/122347414627092

Ágætu félagar

Veðrið hefur ekki verið upp á sitt besta undanfarið á þriðjudögum en það verður opið á Strandgötunni og kaffi á könnunni á morgun 18 júní.

Kannski verður hjólað en ef ekki verður eitthvað bullað um ferðina eða eitthvað annað sem mönnum dettur í hug.

Stjórnin